നൂല്‍പ്പുഴ കുടുംബാരോഗ്യ കേന്ദ്രത്തിലെ പ്രത്യേക സൗകര്യമായ പെണ്‍മ, സ്ത്രീകളുടെ ക്ഷേമത്തിന് മുന്‍ഗണന നല്‍കുന്നതിനുള്ള നൂല്‍പ്പുഴ ഗ്രാമ പഞ്ചായത്തിനുള്ള സമര്‍പ്പണ മനോഭാവമാണ് എടുത്തു കാണിക്കുന്നത്.   കേവലം വൈദ്യ സഹായമെത്തിക്കുന്നതില്‍ നിന്നുമുപരിയായി, വിവിധങ്ങളായ സാഹചര്യങ്ങളില്‍ നിന്നുള്ള സ്ത്രീകളുടെ പ്രത്യേകമായ ആവശ്യങ്ങളും ആശങ്കകളും തിരിച്ചറിയുകയും പ്രതികരിക്കുകയും ചെയ്യുന്നതാണ് ഈ സംരംഭം.  ആരോഗ്യകേന്ദ്രത്തിലേക്കു വരുന്ന സ്ത്രീകള്‍ക്ക് സുരക്ഷിതവും സൗകര്യപ്രദവും പിന്തുണ നല്‍കുന്നതുമായ അന്തരീക്ഷം ഒരുക്കുക എന്നതാണ് പെണ്‍മയുടെ പ്രാഥമിക ലക്ഷ്യം.  പെണ്‍മയിലെ വിശ്രമ കേന്ദ്രമായ പെണമ (ജലിമാമ), സ്ത്രീകള്‍ക്ക്, അവരവിടെ ചിലവഴിക്കുന്ന സമയത്ത് വിശ്രമിക്കാനും സുഖം പ്രാപിക്കാനും ശാന്തമായ ഇടം ഒരുക്കുക എന്ന ഉദ്ദേശത്തോടെയാണ് രൂപകല്‍പ്പന ചെയ്തിരിക്കുന്നത്.

റിലാക്സേഷന്‍ ഏരിയ, വൃത്തിയുള്ള ശുചിമുറികള്‍, മുലയൂട്ടുന്ന അമ്മമാര്‍ക്കുള്ള ഒരു സ്വകാര്യ ഫീഡിംഗ് റൂം തുടങ്ങിയ അവശ്യ സൗകര്യങ്ങളോടു കൂടിയ പെണമ, സ്ത്രീകളായ രോഗികളുടെ സ്വകാര്യതയും സൗകര്യവും ഉറപ്പാക്കിക്കൊണ്ട് അവരുടെ പ്രത്യേക ആവശ്യങ്ങള്‍ നിറവേറ്റുന്നു.  കൂടാതെ, മാനസീകാരോഗ്യത്തിന്‍റെ പ്രാധാന്യം അംഗീകരിച്ചുകൊണ്ട്, സ്ത്രീകളുടെ ശ്രദ്ധ തിരിക്കുന്നതിനും അവരുടെ വിനോദത്തിനുമായി തെരെഞ്ഞെടുത്ത വനിതാ കേന്ദ്രീകൃത മാസികകള്‍ പെണമയില്‍ ലഭ്യമാക്കിയിട്ടുണ്ട്. 

മെഡിക്കല്‍ സേവനങ്ങള്‍ക്കായി കാത്തിരിക്കേണ്ടി വരുന്ന അവസരത്തില്‍, പ്രിയപ്പെട്ടവരുമായി ഫോണിലൂടെ സമ്പര്‍ക്കം പുലര്‍ത്താനോ വിവരങ്ങള്‍ അറിയുന്നതിനോ ആയി വൈഫൈ സൗകര്യവും ഇവിടെ ലഭ്യമാക്കിയിട്ടുണ്ട്.  ടെലിഫോണ്‍ ബന്ധത്തിന്‍റെ ആവശ്യകത തിരിച്ചറിഞ്ഞ്, പ്രത്യേകിച്ച് അടിയന്തിര സാഹചര്യങ്ങളില്‍, മൊബൈല്‍ ഫോണ്‍ ചാര്‍ജ്ജ് ചെയ്യുന്നതിനുള്ള സൗകര്യങ്ങളും ഇവിടെ ലഭ്യമാണ്.  കൂടാതെ, ഇവിടെ ലഭ്യമായ നാപ്കിന്‍ വൈന്‍ഡിംഗ് മെഷീനും, ഇന്‍സിനറേറ്റര്‍ സൗകര്യവും സ്ത്രീ സന്ദര്‍ശകര്‍ക്ക് ശുചിത്വവും സൗകര്യവും പ്രദാനം ചെയ്യുന്നതിന് സഹായിക്കുന്നു.  ഫാമിലി ഹെല്‍ത്ത് സെന്‍ററിലെ അതിന്‍റെ കര്‍ത്തവ്യങ്ങള്‍ക്കുമപ്പുറം ദേശീയ പാത 766- ലൂടെ യാത്ര ചെയ്യുന്ന സ്ത്രീകള്‍ക്ക് സഹായകമാകും വിധത്തില്‍ രാവിലെ 6:00 മുതല്‍ രാത്രി 9:00 വരെ പെണ്‍മയുടെ സേവനം ലഭ്യമാണ്.  ദൂരയാത്രക്കിടയില്‍ വിശ്രമിക്കാനും വ്യക്തിപരമായ ആവശ്യങ്ങള്‍ നിറവേറ്റാനും സൗകര്യപ്രദമായ ഒരിടം നല്‍കുന്ന ഈ സൗകര്യം യാത്രക്കാരായ സ്ത്രീകള്‍ക്ക് വിലപ്പെട്ട സേവനമാണ് നല്‍കുന്നത്. 

സ്ത്രീകളുടെ ക്ഷേമത്തിനായുള്ള അവരുടെ പ്രതിബദ്ധതയ്ക്കൊപ്പം, സമൂഹത്തിനുള്ളിലെ സ്ത്രീകളെ ശാക്തീകരിക്കുന്നതിനും പിന്തുണയ്ക്കുന്നതിനുമായി നൂല്‍പ്പുഴ ഗ്രാമപഞ്ചായത്ത് കൂടുതല്‍ നടപടികള്‍ സ്വീകരിച്ചിട്ടുണ്ട്.  പെണ്‍കുട്ടികള്‍ക്കും മുതിര്‍ന്ന സ്ത്രീകള്‍ക്കും വിനോദത്തിനായി അവസരങ്ങള്‍ നല്‍കുന്നതിനായി, വനിതാ ഘടക പദ്ധതിയില്‍ നിന്നും ധാരാളമായി ഫണ്ട് വിനിയോഗിച്ചു കൊണ്ടുതന്നെ പഞ്ചായത്ത് ഒരു റിക്രിയേഷന്‍ സെന്‍റര്‍ സ്ഥാപിച്ചിട്ടുണ്ട്.  പെണ്‍കുട്ടികള്‍ക്കും മുതിര്‍ന്ന സ്ത്രീകള്‍ക്കുമിടയില്‍ ശാരീരികവും മാനസികവുമായ സൗഖ്യം ഉറപ്പുവരുത്തുന്നതിനും സൗഹാര്‍ദ്ദവും ശാക്തീകരണവും വളര്‍ത്തുന്നതിനും ലക്ഷ്യമിടുന്നതാണ് ഈ കേന്ദ്രം.

പെണ്‍മ, റിക്രിയേഷന്‍ സെന്‍റര്‍ തുടങ്ങിയ സംരംഭങ്ങളിലൂടെ, നൂല്‍പ്പുഴ ഗ്രാമപഞ്ചായത്ത്, സ്ത്രീകളുടെ പ്രായോഗീകാനുഭവ സമ്പത്ത് മെച്ചപ്പെടുത്തുന്നതിനും അവര്‍ വിലമതിക്കപ്പെടുന്നുവെന്നും അവര്‍ക്കായി കരുതലുണ്ടെന്നും അവര്‍ക്കു പിന്തുണയുണ്ടെന്നും ഉറപ്പുവരുത്തുന്നതിനുള്ള സജീവ സമീപനം പ്രകടമാക്കുന്നു.  എല്ലാവരെയും ഉള്‍ക്കൊള്ളുന്നതും പരിപോഷിപ്പിക്കുന്നതുമായ അന്തരീക്ഷം സൃഷ്ടിക്കുന്നതില്‍ സ്ത്രീ കേന്ദ്രീകൃത സൗകര്യങ്ങളുടെയും സേവനങ്ങളുടെയും പ്രാധാന്യം ഊന്നിപ്പറയുന്ന ഈ ശ്രമങ്ങള്‍ മറ്റ് സമൂഹങ്ങള്‍ക്ക് ഒരു മാതൃകയാണ്.