ദുരന്തനിവാരണത്തില്‍ തദ്ദേശസ്വയംഭരണ സ്ഥാപനങ്ങള്‍ വഹിക്കുന്ന നിര്‍ണായക പങ്ക് തിരിച്ചറിയാന്‍ സംസ്ഥാന സര്‍ക്കാരിനെ പ്രേരിപ്പിച്ചത് 2018-ലെ പ്രളയമാണ്.  ആ അനുഭവം, സംസ്ഥാനത്തെ എല്ലാ തദ്ദേശ സ്ഥാപനങ്ങളെയും അതാതു പ്രദേശത്തെ ദുരന്തങ്ങളുടെ ചരിത്രം, ദുരന്തങ്ങള്‍ക്ക് സാധ്യത കൂടുതലുള്ള പ്രദേശങ്ങള്‍, ഇതുമായി ബന്ധപ്പെട്ടു കൂടുതല്‍ ദുര്‍ബലത അനുഭവിക്കുന്ന ജന വിഭാഗങ്ങള്‍, ദുരന്തങ്ങള്‍ തടയുന്നതു മുതല്‍  ദുരന്തങ്ങള്‍ ഉണ്ടായാല്‍ അവയുടെ ആഘാതം ലഘൂകരിക്കുന്നതിനുമായി നടത്തേണ്ട ഇടപെടലുകള്‍ തുടങ്ങിയ സാഹചര്യങ്ങള്‍ വിലയിരുത്തുന്നതിലേക്കു നയിച്ചു.  ഇതുമായി ബന്ധപ്പെട്ട് തദ്ദേശ സ്ഥാപനങ്ങള്‍ തയ്യാറാക്കിയ, വിഭവ സ്രോതസ്സുകളുടെ പട്ടിക, കോവിഡ്-19 മഹാമാരിയുടെ കാലത്ത്  വളരെയധികം പ്രയോജനപ്രദമായിരുന്നു.  റിബിള്‍ഡ് കേരള ഇനിഷ്യേറ്റിവ്ന്‍റെ കീഴില്‍ ദുരന്തങ്ങളും  കാലാവസ്ഥാവ്യതിയാനവും  കണ്ടറിയുന്നതിനുള്ള  ഡിസാസ്റ്റർ    ആന്റ് ക്ലൈമറ്റ് ആക്ഷൻ ട്രാക്കിങ് (DCAT ) ടൂളും, റിസ്ക് – ഇന്‍ഫോംഡ് മാസ്റ്റര്‍ പ്ലാന്‍ (RIMP)ന്‍റെ ചട്ടക്കൂടും വികസിപ്പിച്ചെടുത്തിട്ടുണ്ട്. 

തദ്ദേശ സ്ഥാപനങ്ങളോട് ചേര്‍ന്ന് കൊണ്ട് സംസ്ഥാന സര്‍ക്കാര്‍, ഡിസാസ്റ്റർ    ആന്റ് ക്ലൈമറ്റ് ആക്ഷൻ ട്രാക്കിങ് (DCAT) , ലോക്കൽ ആക്ഷൻ പ്ലാൻ ഫോർ ക്ലൈമറ്റ് ചേഞ്ച് അഡാപ്ടേഷൻ  (LAPCC) സംവിധാനങ്ങള്‍ ഉപയോഗപ്പെടുത്തികൊണ്ട്  പ്രാദേശീക തലത്തില്‍ ഒരു കാലാവസ്ഥാനുസരണമായ ഭരണ സംവിധാനത്തിന്‍റെ ഒരു മാതൃക വികസിപ്പിച്ചെടുക്കുന്നതിനുള്ള  ശ്രമങ്ങള്‍ തുടരുകയാണ്.  കാലാവസ്ഥാ വ്യതിയാനത്തിന്‍റെ പ്രത്യാഘാതങ്ങള്‍ ലഘൂകരിക്കുന്നതിനും കാര്‍ബണ്‍ സന്തുലിതാവസ്ഥ കൈവരിക്കുന്നതിനുമുള്ള നെറ്റ് സീറോ കാര്‍ബണ്‍ കേരളം കാമ്പെയ്നിന്‍റെ ഭാഗമായി, എല്ലാ ജില്ലകളില്‍ നിന്നുമായി തെരെഞ്ഞെടുത്ത തദ്ദേശ സ്ഥാപനങ്ങളില്‍ കാര്‍ബണ്‍ പുറംതള്ളല്‍ കണ്ടെത്തുകയും വിശകലനം ചെയ്യുകയും കാര്‍ബണ്‍ ബാലന്‍സ് നേടിയെടുക്കുന്നതിനുള്ള  പ്രവര്‍ത്തനങ്ങള്‍ നടന്നു വരികയാണ്.