സംസ്ഥാന സര്‍ക്കാര്‍ തദ്ദേശ സ്ഥാപനങ്ങള്‍ക്കായി വകയിരുത്തുന്ന ഫണ്ടുകള്‍

ഗുണഭോക്താവില്‍ അധിഷ്ഠിതമായ  കേന്ദ്രാവിഷ്കൃത പദ്ധതികളും  തദ്ദേശ സ്ഥാപനങ്ങള്‍ വഴി നടപ്പിലാക്കുകയും ഇവയുടെ നിര്‍വ്വഹണത്തിനായി തുക കൈമാറ്റം ചെയ്തു കൊടുക്കുകയും ചെയ്യുന്നു. ഗ്രാമപഞ്ചായത്തുകള്‍ക്കും നഗര സഭകള്‍ക്കും അവരുടെ തനതു ഫണ്ട് വികസിപ്പിച്ചെടുക്കുന്നതിനുള്ള വിപുലമായ അധികാരം നല്‍കിയിട്ടുണ്ട്.  എന്നാല്‍ ബ്ലോക്ക് തലത്തിലും ജില്ലാ തലത്തിലും നികുതി വരുമാനം ഉണ്ടാക്കുന്നതിന് അധികാരമില്ല . മറ്റു ചെറുകിട സ്രോതസ്സുകളില്‍ നിന്നും ഇവര്‍ക്ക് വരുമാനം ഉണ്ടാക്കാവുന്നതാണ് (ഉദാഹരണമായി പൊതു ആസ്തികളില്‍ നിന്നുള്ള വരുമാനം).  സംസ്ഥാന ധനകാര്യ കമ്മീഷന്‍ നിര്‍ദ്ദേശിക്കുന്നതും സര്‍ക്കാര്‍ അംഗീകരിച്ചതുമായ പ്രത്യേക പദ്ധതിയനുസരിച്ചാണ് തദ്ദേശ സ്ഥാപനങ്ങള്‍ക്ക് സര്‍ക്കാര്‍ ഗ്രാന്‍റുകള്‍ അനുവദിക്കുന്നത്. എന്നാല്‍ കേന്ദ്ര ധനകാര്യ കമ്മീഷന്‍  അവരുടെ വിവിധ  പദ്ധതികള്‍ക്കായി തയ്യാറാക്കിയ ഉപയോഗക്രമങ്ങളും മാനദണ്ഡങ്ങളും അനുസരിച്ചു വേണം കേന്ദ്ര ധനകാര്യ കമ്മീഷന്‍റെ ഗ്രാന്‍റുകള്‍ അനുവദിച്ചു നല്‍കേണ്ടത്.  2024-25 സാമ്പത്തിക വര്‍ഷം സംസ്ഥാന പദ്ധതിയുടെ 85532 കോടി രൂപ ആണ് തദ്ദേശ സര്‍ക്കാരുകള്‍ക്കായി വകയിരുത്തിയിരുന്നത്. ഓരോ തദ്ദേശ സ്ഥാപനത്തിനും നടപ്പുവര്‍ഷം  നീക്കിവച്ചിട്ടുള്ള തുകയുടെ വിവരങ്ങള്‍ സംസ്ഥാന ബഡ്ജറ്റിന്‍റെ അനുബന്ധം IV-ൽ  ചേര്‍ത്തിരിക്കുന്നു.