കൊല്ലം ജില്ലയിലെ പറവൂർ സിഡിഎസിന് ഐഎസ്ഒ സർട്ടിഫിക്കേഷൻ ലഭിച്ചു. സ്ത്രീ ശാക്തീകരണത്തിലൂടെ ദാരിദ്ര്യ നിർമാർജനം എന്ന ലക്ഷ്യം കൈവരിക്കുന്നതിനായി കേരള സർക്കാർ രൂപീകരിച്ച ഉപനിയമപ്രകാരമുള്ള എല്ലാ സേവനങ്ങളും നൽകിയതിനാണ് അംഗീകാരം. ഓഫീസിലെ ഫയൽ ക്രമീകരണം, സാമ്പത്തിക ഇടപാടുകളും രജിസ്റ്ററുകളും പരിപാലിക്കുന്നതിലെ കൃത്യത, അയൽക്കൂട്ട വിവരങ്ങൾ, കാര്യക്ഷമത, കുടുംബശ്രീയുമായി ബന്ധപ്പെട്ട ഏത് വിവരവും മൂന്ന് മിനിറ്റിനുള്ളിൽ നൽകുന്നതിനുള്ള ഓഫീസിന്റെ മെച്ചപ്പെടുത്തൽ, സേവന മേഖലയിലെ വിലയിരുത്തൽ, ഓഫീസ് ക്രമീകരണങ്ങൾ എന്നിവയുടെ അടിസ്ഥാനത്തിലാണ് സിഡിഎസിന് ഈ നേട്ടം കൈവരിക്കാൻ കഴിഞ്ഞത്.
രേഖ സി (ചെയർപേഴ്സൺ), മായ ഐ.വി (വൈസ് ചെയർപേഴ്സൺ), സത്യഭായി, ലത, താര, ആശ, അജിത, സരിത. ആർ, സിന്ധു, സരിത, ബിന്ദു. സി, പ്രിജി ആർ. ഷാജി, ശോഭന, ജിനു ബി, അനുദാസ്, സിന്ധു, ബേബി ഷാനി, സബുരത്ത്, നൂർജഹാൻ, റഷീദ. എസ്, മുസൈഫ, ലതിക. എസ്, ഷരീഫ, ഷൈനി, സന്ധ്യ വിനോദ്, സുഗന്ധി, ബിന്ദു. ബി, ശോഭന, ഷീജ, രമ, ബീന ഷാജി, ഷീബ എന്നിവരാണ് സിഡിഎസ് അംഗങ്ങൾ. സുജി എസ് മെമ്പർ സെക്രട്ടറിയും രേഖ പി എസ് അക്കൗണ്ടൻ്റുമാണ്.
വയനാട് ജില്ലയിലെ വെങ്ങപ്പള്ളി സിഡിഎസിന് 2024 നവംബറിൽ ഐഎസ്ഒ സർട്ടിഫിക്കേഷൻ ലഭിച്ചിരുന്നു.പിന്നീട് കോഴിക്കോട് ജില്ലയിലെ കോട്ടൂർ സിഡിഎസിനും ഐഎസ്ഒ സർട്ടിഫിക്കേഷൻ ലഭിച്ചു.
