രോഗനിവാരണം, വേദനകളില്‍ നിന്നും ആശ്വാസം എന്നിവ നല്‍കുന്നതിലൂടെ, മാരകമായ രോഗത്തെ അഭിമുഖീകരിക്കുന്ന രോഗികളുടെയും അവരുടെ കുടുംബങ്ങളുടെയും ജീവിതനിലവാരം, മെച്ചപ്പെടുത്തുന്ന ഒരു സമീപനമാണ് സാന്ത്വന പരിചരണം.

കഠിനമായ അസുഖങ്ങള്‍ മൂലമോ അവസാന ഘട്ടത്തിലെ ബലഹീനതകള്‍ മൂലമോ ഉണ്ടാകുന്ന കഷ്ടപ്പാടുകള്‍, പ്രത്യേകിച്ച് വേദനയും മറ്റ് ലക്ഷണങ്ങളും ലഘൂ കരിക്കുന്നതിനു ലക്ഷ്യമിട്ടുള്ള ഒരു പ്രത്യേക ചികിത്സാ സഹായമാണിത്.  കൂടാതെ, വൈദ്യചികിത്സയുടെ ഫലമായുണ്ടാകുന്ന ഏതെങ്കിലും പ്രതികൂല ഫലങ്ങള്‍ കൈകാര്യം ചെയ്യുന്നതിന് ഇത് വ്യക്തികളെ സഹായിക്കുന്നു.  കൂടുതല്‍ മെഡിക്കല്‍ ഇടപെടലോ രോഗമുക്തിയോ സാധ്യമല്ലാത്തിടത്താണ് സാധാരണയായി ഈ സേവനം നല്‍കുന്നത്.  സുസ്ഥിര വികസന ലക്ഷ്യങ്ങളുടെ പ്രമേയം 7: സാമൂഹിക സുരക്ഷിതത്വം, പ്രമേയം 9: ലിംഗസൗഹൃദ ഗ്രാമം, പ്രമേയം 1: ദാരിദ്ര്യരഹിത ഗ്രാമം, പ്രമേയം 3: ആരോഗ്യമുള്ള ഗ്രാമം എന്നിവക്കുള്ളിലാണ് സാന്ത്വന പരിചരണ തദ്ദേശ സ്വയംഭരണ സ്ഥാപനം ഉള്‍പ്പെടുന്നത്.