തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പ് നടത്തുക : പഞ്ചായത്തുകള്‍, നഗര സഭകള്‍, മുനിസിപ്പല്‍ കോര്‍പറേഷനുകള്‍ തുടങ്ങിയ തദ്ദേശ സ്ഥാപനങ്ങളിലേക്കുള്ള തെരഞ്ഞെടുപ്പുകള്‍ സംഘടിപ്പിക്കുകയും ആയതു നടത്തുകയും ചെയ്യുന്നതിന്‍റെ പ്രാഥമിക ഉത്തരവാദിത്വം സംസ്ഥാന തെരെഞ്ഞെടുപ്പ് കമ്മീഷന്‍റേതാണ്. 

നിയോജകമണ്ഡലങ്ങളുടെ അതിര്‍ത്തി പുനര്‍നിര്‍ണയം നടത്തുക: തദ്ദേശ സ്ഥാപന തെരെഞ്ഞെടുപ്പുകള്‍ക്കായി നിയോജക മണ്ഡലങ്ങളുടെ അതിര്‍ത്തി പുനര്‍നിര്‍ണയം ചെയ്യുന്നതില്‍ സംസ്ഥാന തെരെഞ്ഞെടുപ്പ് കമ്മീഷന്‍ ഒരു പ്രധാന ചുമതല വഹിക്കുന്നു. ന്യായമായ പ്രാതിനിധ്യം ഉറപ്പിക്കുന്നതിനായി ഇലക്ട്റല്‍ വാര്‍ഡുകളുടയും നിയോജക മണ്ഡലങ്ങളുടെയും അതിര്‍ത്തികള്‍ കൃത്യമായി നിര്‍വ്വചിക്കുന്നത് ഇതില്‍ ഉള്‍പ്പെടുന്നു. 

 തെരഞ്ഞെടുപ്പ് പെരുമാറ്റ ചട്ടം നടപ്പിലാക്കുക : വിവിധ രാഷ്ട്രീയ പാര്‍ട്ടികളും സ്ഥാനാര്‍ഥികളും ധാര്‍മികതയില്‍ നിന്നും ആദര്‍ശങ്ങളില്‍ നിന്നും വ്യതിചലിക്കുന്നില്ലായെന്നും മത്സര മര്യാദ പാലിക്കുന്നുണ്ടെന്നതും ഉറപ്പാക്കുന്നതിനായി മാതൃകാ പെരുമാറ്റച്ചട്ടം നടപ്പിലാക്കുന്നത് സംസ്ഥാന തെരെഞ്ഞെടുപ്പ് കമ്മിഷനാണ്.

രാഷ്ട്രീയ പാര്‍ട്ടികളുടെ രജിസ്ട്രേഷന്‍ നടത്തുക : പ്രാദേശിക തലത്തില്‍ രാഷ്ട്രീയ പാര്‍ട്ടികളെ രജിസ്റ്റര്‍ ചെയ്യുന്നതിനും  അവക്ക് നിയമ സാധുത നല്കുന്നതിനുമുള്ള ഉത്തരവാദിത്വവും സംസ്ഥാന തെരഞ്ഞെടുപ്പ് കമ്മീഷനുള്ളതാണ്.