ഗ്രാമപഞ്ചായത്ത് / മുന്‍സിപ്പാലിറ്റി / കോര്‍പ്പറേഷന്‍ പ്രദേശങ്ങളില്‍ സ്ഥിതിചെയ്യുന്ന എല്ലാ കെട്ടിടങ്ങള്‍ക്കും (കെട്ടിടത്തോട് ചേര്‍ന്നു നില്‍ക്കുന്ന പൂന്തോട്ടം, ഗ്യാരേജ് എന്നിവ നില്‍ക്കുന്ന ഭൂമി ഉള്‍പ്പെടെ) വസ്തുക്കരം ഈടാക്കുന്നു. പ്രാദേശിക ഭരണകൂടങ്ങളുടെ തനത് വരുമാനത്തിന്‍റെ ഭൂരിഭാഗത്തിന്‍റെയും ഉറവിടമാണ് വസ്തു നികുതി. ഒരു ചതുരശ്ര മീറ്ററിന് ബാധകമായ നിരക്കില്‍ കെട്ടിടത്തിന്‍റെ പ്ലിന്ത് ഏര്യയ്ക്കും അതിന്‍റെ ഉപയോഗത്തിനും അനുസൃതമായാണ് നികുതി കണക്കാക്കുന്നത്. കെട്ടിടം ഒഴിഞ്ഞുകിടക്കുന്നതോ മറ്റ് എന്തെങ്കിലും കാര്യത്തിന് ഉപയോഗിക്കാതിരിക്കുകയോ ചെയ്യുന്ന പക്ഷം നികുതി ഇളവ് അനുവദിക്കുന്നു. വസ്തുക്കരം രണ്ട് അര്‍ദ്ധവാര്‍ഷിക ഗഡുക്കളായി അടയ്ക്കാവുന്നതാണ്. ഓണ്‍ലൈനായി ആര്‍ക്കുവേണമെങ്കിലും വസ്തുക്കരം അടയ്ക്കാവുന്നതാണ്. കൃത്യസമയം നികുതി അടയ്ക്കുന്നതില്‍ വീഴ്ചവരുത്തുന്നത് ശിക്ഷയ്ക്കും അതിന് പുറമെ റവന്യുറിക്കവറി നടപടിയ്ക്കും ഇടവരുത്തുന്നതാണ്.